Opinión Bolivia

  • Diario Digital | martes, 29 de noviembre de 2022
  • Actualizado 21:06

Refranes y Dichos en Quechua

Refranes y Dichos en Quechua



1. Mana tutaqa Ilakikuspatax waqakuspatax puriykachanachu saxramin qhatiriwanchis nin.

2. Mana para pachapi Ilullakunachu imaxtinchus q´ixu q´ixu chayawanchis nin.

3. Mana tutaqa ch´inllamanta purinallachu mana chayri ch´uxuspatax khuyurispatax puriykachana mana supaywan tinkunapax nin.

4. Manapuni tutaqa pimanpis qulqitapis mikhunatapis jaywanallachu imaraykuchus sumax kawsayninchis ripux nin.

5. Mana sut´iyayta jinalla mana ima mallirispa puriykachanachu imaxtinchus saxra wayra jap´iwanchis nin.

6. Mana qharikunaqa q´uncha punku kanankuchu tiyan jina kaxtinqa nina q´usnillapi tukukux nin.

7. Mana china wakamanta ch´awasqata phurmuchinachu imaraykuchus wakax ñuñun sarnaykux ninku.

8. Mana wawaman makinchiswan maqanallachu imaraykuchus wawaqa astawan saxra Iluxsix ninku.

9. Mana q´urawawan sipas kaspaqa watakunallachu imaraykuchus wawankuna ancha unquxlla kanqanku nin.

10. Mana ni jayk´ax wawaman imatapis ujpachata jaywanallachu imaxtinchus uj p´unchayqa ñak´ariypi kasaspa kikillanta munax kanku nin.

11. Mana wawamanqa ima juk´utallawanpis waxtanallachu imaraykuchus mana allinman chayax nin.

12. Mana rixsisqa wasipiqa mana wawata puñuchinallachu imaxtinchu waxjina sunquyux Iluxsix kanku.

13. Mana wawamanqa misita q´ipiykachachinallachu jinata q´ipiykachachinchix chayqa muqu wasa kanku nin.

14.Mana warmi wawamanqa sunquta mikhuchinachu imaraykuchus killa Ilawarnin sunqumantajina jamux nin.

15. Mana qhari wawamanqa iwijax qallunta mikhuchinallachu jina kaxtinqa imatapis wawaqa qunqakapullax kanku nin.

16. Mana wawaman askha runtuta mikhuchinallachu imaraykuchus machu wallpa k´ankaman rijch´akux ninku.

17. Mana papata allasaspa q´allunallachu jinata ruwaxtinchisqa q´ara siki kanchis mana chayri wasa tulluta nanachiwanchis nin.

18. Yurax kusikusi rikhuriwanchis chayqa manchay allinta imapipis sumaxta riwanchis nin.

19. Yana juch´uy kusikusi rikhuriwanchis chayqa manchay Ilakikunapaxtax waqanapaxtax ninku.

20. Wasipi sik´imira manchay rikhurimun chayqa wax wasiman ripunapaxmin.

21. Wasi ukhupi juk´ucha akata rikhunki chayqa wax wasiman ripunaykipaxmin ninku.

22. Wasiyki ukhuman uj janp´atu yaykumunqa chayqa sumax qhapax kawsanapaxmin ninku. 

23. Pariwanachus tukuynixta phawaykachanqa chayqa sumax wata kananpaxmin.

24. Mana ch´iji panpapi ch´ijita sik´inallachu imaraykuchus tukuy pachapis thanta p´achallata churakunchis ninku.

25. Mana yaku phutumuxman yakuta umanchista k´umuykuspa ujyanallachu imaraykuchus supay astawan k´umuykuchiwanchis ninku.

26. Mana ch´askakunata yupanallachu imaraykuchus sawarakuspa kikin askha wawayux kanchis ninku.

27. Mana misi wasipi chayqa juk´uchakuna sumaxta tusurinku.

28.  Pi runapis manchay qhapax chayqa astawan qhapaxyayta munanku nin.

29. Ama tataykita ni mamaykita k´amixtin kutichikuychu imaraykuchus chayqa uj aynilla kanka.

30. Runa masinchistaqa mana waqachinallachu imaraykuchus waqayninman chayanchis nin.

31. Ama Ilulla ama qhilla ama suwa nitax Ilunk´u kanachu imaraykuchus mana castilla runa jina kanachu.

32. Jank´a k´analla simi kanki chayqa ancha parlaysapa runa kanki.

33. Llank´ay nisqaqa umanta khiwirin mikhuy nixtintax manchayta asirispa mikhurin.

34. Wakin runaqa janp´atu jina Ilawar ch´unqax jina kaxtinqa ni pi paypax Ilank´anchu.

35. Kausanapax sumaxta imataqpis mukhuna umachakunapax kikillantax ruwana ninku.