Mana juch´uy wawan anchata much´anachu jina much´axtinqa Ilawsa suru kax nin.

Mana qhari wawaman ancha kinwa phirita qunachu imaraykuchus machu warmi supiykux nin.

Mana juch´uy wawata wañusqa wasiman q´ipinachu imaraykuchus wawata ayaykux nin.

Mana wawakunaqa ayakunata qhawanankuchu jina qhawaxtinkuqa sunqunkuta qhichuchikunku nin.

Mana sutiyasqa wawamanqa imatapis qunachu tukuy pacha uj ñak´ariy qhatikux nin.

Sipas kaspaqa mana chay chhikata sipaskunawan purinachu chayjinata purixtinqa ch´ulla mantawan waxtakuwanchis.

Mana wawakuna urmakuspa purinanpaxqa uywaxta yurax ñawinwan chaki ruk´anata jawina nin.

Mana illapa chayasqapiqa k´aminakunachu ni macianakunachu imaraykuchus mana allinman chayanchis.

Mana tutaqa jawapi wawa p´achata puñuchinachu imaraykuchus ch´aska qhawaykux nin.