Opinión Bolivia

  • Diario Digital | miércoles, 07 de diciembre de 2022
  • Actualizado 10:10

INKAKUNAQ RAYMISNIN

INKAKUNAQ RAYMISNIN






Juk p’unchay, Tata Inti paqarimusaqtin, lliphipirik k’anchayninwan, tukuynin t’iksimuyu jallp’antinta k’ajayninwan qhataykurqa; llimphuyaku qaqakunanta surumurqa runaq ch’akiyninta thasnunampaq, muyakuna t’ikarinanpaq, sach’akuna chaqrakuna ima p’utumuyta qallarirqanku.

Jaqaypacha, phichqawaranqa phichqa pachaqniyuk watajina ñawpata,… Jankuuma; Illimani; Illampu; Sajama urqukunaq kinraykunanta, Kuntur Mallkuk yuraq wasanpi kapatasqa, phawarispa rikhurimurqanku iskay ñañakuna… Qharikta Mankukapaq sutin kasqa, warmikpatataq Mamaukllu.

Chhikata phawasqankumanta mask’aspa maypichus chukuykunankuta; ña sukhayasaqtinña, Titikaka qhucha qayllapi runakunata rikuspa uraykusqanku; jaqaypi, kaqchhika warmikunaman qharikunaman ima tukuy imaymanata yachachisqanku.

Tarpusqanku chaqrakuna ima muq’iyta qallarirqa puquyta, uywasninku sumaq michisqa maychhikata mirarqanku; mana llakiy nitaq phutiy paykunapi karqachu, kusikawsay t’ikariyta qallarisqa.

Mankukapaq Mamauklluwan kuska, ayllusninkuk t’ikariyninta rikuspa; juk jatun tantakuyman waqllasqanku, jaqayman risqanku Tawantin Suyu junt’amanta. Yachasqaña kasqanman jinataq, sapa suyumanta rinanmin karqa apukamachiknin, paywan kuskari ichhurisnin, yatirisnin, yuyayp’iqisnin, jamawt’asnin, palla aqlla sipas warmikunantin.

Chay p’unchay chayamurqa, Tata Intik P’unchaynin;… Quri Kanchapi, Tata Intik wasimpi raymi qallarirqa: