Juk pacha, machu thaqu sach´a patapi, juk ch`usiqaqa wasichakusqa. Payqa p`unchaw junt`ata thapanpiqa achkha p`anqakunata ñawiq kasqa, nin

Jinamanta, umacharikusqa imaynachus kawsay kachkan sach`asach`api. Chaymantataq jatuchiq ñawikunanta kicharispa, likrakunata aysarispa ima. Jinata payllapaq parlarisqa.

Q`ala uwyakuna, p`isqukuna, khurukuna imaqa, mana nimata yachakuyta munankuchu, paykunapaqqa mikhuylla, mana qhipa kawsaypiqa umachakusankuchu.

Chayta nispataq, janaqpachata qhawarispa maypichus tata intiqa ñak´ayta chinkaykapuchkan. Sach´asach´ataq pisimanta pisi laqhaykuchkan.

Mallki uraspiqa p`isqukunaqa qutuchasqa maychayta ch`aqwarisqanku. Kikillampitaq quwikunaqa t´uqu kantuspiqa puñuykachasqanku.

Chaymanatataq yuraq ch`usiqaqa thapanmanta phawaykamusqa, juk q`arapampaman chayaytawantaq, jinata parlarisqa:

Uyariwaychik, p`isqu kaspachu, quwi kaspachu, khuritu kaspachu mana yachaykunata atiwaqchis japhiyta. Kay pachapiqa sumaq yachakunata yachakunanchik tiyan, jinamanta

sach´asach´anchispiqa sumaq takya kanqa. Chantapis tukuy-

ninchik sumaq yachayniyuq kaspaqa waliqta takyakusunchik.

Yuthuqa allintapuni uyarisqa, chanta umanta kuyuchiytawantaq, jinata parlasqa:

Chay nisqaykiqa waliq pacha, ñuqanchik, kay kawsaypiqa allin yachaykunayuq kananchiq tiyan, imaraykuchus pichus yachaykunayuqlla ñawpaqman rinku.

Quwiqa t`uqunmanta lluqsimuspaqa, jinata parlallasqataq:

Mana parlallachu kanan tiyan, parlaytaqa ruwanaman apana. chayrayku q´aya p`unchawmanta pacha, niraq ch´isiyamusaptin kayniqpi qutuchakusunchik yacharikunanchikpaq. Ch´usiqa yachachiqninchik kanqa.

Chayta mispataq uywakuna, ph`isqukuna, khuritukuna imaqa, thapan kuman puñuq yaykurapusqanku.

Chaymantataq ch`usiqaqa jananpachaman phawarisqa, chay patamanta pacha sach´asach´ataqa takyarimusqa .

YACHANA TIYAN

"KAY KAWSAYPIQA SUMAQ YACHAYNIYUQ KANANCHIK TIYAN, JINAMANTA TAKYAPIS SUMAQ YARINQA".